Ngushëllime familjes së ngushtë, farefisit e bashkëluftëtarët u ka shprehur edhe kryetari i komunës së Rahovecit, Smajl Latifi.
Ai në Facebook tha se profesor Cena i bëri bëri jehonë luftës së lavdishme të popullit shqiptar me emblemën e UÇK-së në krye.
“Kur bien lisat e mëdhenj trandet edhe mali e fusha. Njeriun që nuk u ndal për asnjë moment duke punuar, luftuar e shkruar, e paska rrëzuar sëmundja e rëndë. Ai “i lau e i kjau” dëshmorët e Atdheut, këndoi e shkroi për bëmat e lavdinë dhe i gdhendi emrat e tyre në gurë; maleve, fushave e skaj rrugëve të atdheut. I bëri jehonë luftës së lavdishme të popullit shqiptar me emblemën e UÇK-së në krye”m shkroi ai.
Latifi tha se emri i prof. Sabahajdin Cena-s, do të gdhendet me shkronja ari, ndërsa kronikat e tij për UÇK-në, sipas tij, do të vazhdojnë të bëjnë jehonë në histori.
“Prof. Dr. Sabahajdin Cena u bë një me luftën çlirimtare duke u bërë kronisti i kësaj historie të lavdishme në trojet shqiptare e më gjerë. Emri i tij do të gdhendet me shkronja ari, ndërsa kronikat e tij për UÇK-në do të vazhdojnë të bëjnë jehonë në histori.Lavdi e nderim për njeriun e pushkës e të penës, profesor Dr. Sabahajdin Cena”, shkroi tutje ai./teve1.info./
