Në njoftimin e tyre thuhet se për shkak të gjendjes së tij shëndetësore është bërë dy herë kërkesë për pezullimin e dënimit, por që kërkesat janë refuzuar.
“Shërbimi Korrektues i Kosovës, njofton opinionin publik se sot rreth orës 11:30, në Stacionarin Shëndetësor të Qendrës Korrektuese të Dubravës, ka ndërruar jetë i burgosuri me inicialet E.D, viti i lindjes 1974. Si pasojë e sëmundjes është kërkuar që i burgosuri të dërgohet në Stacionarin e Burgut të Dubravës, mjeku kujdestar bënë kontrollin mjekësor, ku edhe përkundër ofrimit të ndihmës mjekësore, i njëjti ka ndërruar jetë. SHKK për shkak të gjendjes së tij shëndetësore ka bërë dy herë kërkesë për pezullimin e dënimit, por kërkesat janë refuzuar”, kanë shkruar ata.
Njëherit, kanë njoftuar se ky i fundit ishte i dënuar për veprat penale: Grabitje në pronësi ose posedim i paautorizuar i armëve, raporton teve1.info.
“Organet kompetente janë duke u zhvilluar procedurat ligjore, ndërsa autopsia do të verifikoi shkakun e vdekjes”, thuhet më tej./teve1.info/.
