Një grua ka vdekur pasi është goditur nga një veturë në orën e mëngjesit në rrugën “Ismail Kryeziu” në Arbanë të Prizrenit, ka njoftuar Policia e Kosovës.
Sipas Policisë së Kosovës ajo ishte dërguar pa shenja jete në Spitalin Rajonal të Prizrenit.
Drejtuesi i veturës është arrestuar.
“Sot, rreth orës 05:30, në rrugën “Ismail Kryeziu” në Arbanë të Prizrenit ka ndodhur një aksident trafiku në të cilin ka pësuar një këmbësore e vitlindjes 1961. Ngjarja ka ndodhur në afërsi të pompës së karburanteve “SHELL”. Viktima me autoambulancë ishte sjell në Emergjencën e Spitalit Rajonal në Prizren mirëpo mjekët kanë thënë se e njëjta kishte arritur pa shenja jete. Në vendin e ngjarjes ka dalë prokurori i shtetit dhe me urdhër të tij trupi i pajetë është përcjell për autopsi ndërsa ngasësi i automjetit është arrestuar dhe ndaluar për procedura të më tejme”, thuhet në njoftim./teve1.info/
