Ministri i Mbrojtjes, Armend Mehaj ka njoftuar se ushtarët e FSK-së nga sot janë pajisur me beretat e reja.
Përmes një postimi në Facebook, Mehaj ka thënë se pas dekretimit të beretave nga presidentja, Vjosa Osmani, sot në kazermën “Adem Jashari” në Prishtinë së bashku me Gjeneralin Jashari kanë bërë shpërndarjen e beretave të reja, transmeton teve1.info
Mehaj theksoi, se ushtarakët beretat do të kenë ngjyra dalluese që simbolizojnë identitetin e veçant të njësive ushtarake si: forcat tokësore, policia ushtarake, forcat për operacione civile dhe forcat speciale.
“Nga sot ushtarakët tanë me beretat e reja! Pas dekretimit të beretave nga Presidentja e Republikës së Kosovës, znj Osmani, sot në Kazermën “Adem Jashari” në Prishtinë, së bashku me Gjeneral Jasharin, në një ceremoni solemne bëmë shpërndarjen e beretave të reja. Nga sot, beretat do të kenë ngjyra dalluese që simbolizojnë identitetin e veçantë të njësive tona ushtarake si: forcat tokësore, policia ushtarake, forcat për operacione civile dhe forcat special”, ka shkruar Mehaj.
