Asfalti në këtë urë është shembur.
E kjo është ura që të dërgon për në fshatin Aqarevë të Komunës së Skenderajt e cila është e pakalueshme.
Dëmet që ia kanë shkaktuar vërshimet, ka bërë që të mos ketë qarkullim nga qytetarët e asaj zone.
Për të parë gjendjen në teren ka dalë edhe kryetari i kësaj komune, Fadil Nura.
Ai gjatë vizitës së një shtëpie të dëmtuar, ka thënë për televizionin se dëmet kanë lënë pasoja të mëdha te qytetarët e prekur.
Nura tregon se cilat janë kërkesat e kryefamiljarëve në këtë periudhë të vështirë.
Për shkak të vërshimeve, shumë shtëpi dhe biznese në komunën e Skenderajt janë dëmtuar.
Si pasojë e tyre, janë prekur edhe shkollat e këtyre zonave.
Kronika e realizuar nga gazetari Lindrit Zejnullahu.
