Ugljanin ka thënë se ‘Wagner’ do të tentojë ta shtrijë ndikimin në veri të Kosovës përmes organizatave të djathta në Serbi.
“Këto kanë ndodh në lagjen e Minatorëve dhe janë shumë shqetësuese për qytetarët sepse pjesa veriore është e mbishkruar me të gjitha organizatat që po funksionojnë si për shembull ‘Brigada e Veriut’. Tash po del që po funksionon edhe organizata ruse ‘Wagner’ e cila deri qetash u kanë e panjoftur. Wagner ne e dimë se merr pjesë në Ukrainë, në Donbas më 2014 dhe do tentojnë edhe në pjesën veriore me vepru, përmes organizatave ultranacionaliste dhe partive nacionaliste të djathta në Serbi”, ka thënë ai në emisionin “Ditari” në Tëvë 1.
Tutje ai ka shtuar se qëllimi i këtyre mbishkrimeve është shqetësimi i qytetarëve që jetojnë në atë zonë.
“Me i shqetësu popullatën joshumicë që është në qat territor shumice ku jetojnë bashkërisht të gjitha komunitetet. Deri tash nuk ka pas ndonjë tendencë për prishje të marrëdhënieve, po aty ku s’ka tendencë ata po tentojnë me i prish marrëdhëniet”, ka shtuar Ugljanin.
Ai ka përfunduar se nuk beson që do të ketë tensione të mëdha në një të ardhme të afërt në atë pjesë.
“Unë besoj që do të përfundojë me kaq. Ne besoj do të përballemi me një luftë kështu fshehtas me këso grafite por s’besoj që do të vjen deri te një tension më i madh. Me këto grafite jemi mësuar”, ka shtuar kryesuesi i Kuvendit Komunal të Mitrovicës së Veriut.
