Sipas një komunikate për medie, Kelmendi pazhvilluar disa takime në Pensilvania ku është njohur nga Kryesuesi i Komisionit për Politikë Ndëshkimore, Todd Stephens, me përfitimet e gjyqësorit amerikan nga zbatimi i obligueshëm i udhëzuesve për politikë ndëshkimore.
“Delegacioni është njohur gjatë këtyre ditëve nga afër me praktikat amerikane në fushën
e drejtësisë, me theks të veçantë për zbatimin e udhëzuesve për politikën ndëshkimore.
Takimet e para janë realizuar në Pensilvania, ku delegacioni është pritur nga Kryesuesi
i Komisionit për Politikë Ndëshkimore, Todd Stephens, i cili, ndër të tjera, ka treguar
përfitimet e gjyqësorit amerikan nga zbatimi i obligueshëm i udhëzuesve për politikë
ndëshkimore”,thuhet në komunikatë.
Gjatë ditëve të qëndrimit në SHBA, Kelmendi me delegacion pritet të kenë edhe disa takime tjera.
“Po ashtu, bartësit e sistemit prokurorial dhe gjyqësor do të vazhdojnë takimet e tjera me
zyrtarë të SHBA-së lidhur me politikën ndëshkimore.
Kjo vizitë është mundësuar nga Zyra e UNDP-së në Kosovë, Projekti SAEK III, i
financuar nga Zyra Zvicerane për Bashkëpunim dhe Agjencia Suedeze për Zhvillim
Ndërkombëtar”, thuhet në njoftim.
Gjithashtu, në kuadër të agjendës, janë zhvilluar takime me interes edhe me Drejtorin
Ekzekutiv të Komisionit, Mark Bergstrom, Zëvendësdrejtorin, Matthew Kleiman dhe
Profesorin e “Villanova University School of Law“, Steve Chanenson.
Delegacioni ka vizituar edhe Gjykatën e Montgomery-t, ku janë takuar me gjyqtarë dhe
kanë ndjekur dy seanca gjyqësore, thuhet në komunikatën e Prokurorit të Shtetit.
