Turqia ka përshëndetur arritjen e marrëveshjes ndërmjet Kosovës dhe Serbisë në Ohër për zbatimin e Planit Evropian.
Kjo është bërë përmes një deklaratë të lëshuar nga ministria e Jashtme e këtij vendi të dielën.
“Ne mirëpresim që në vazhdën e arritjes së marrëveshjes për normalizimin e marrëdhënieve ndërmjet Kosovës dhe Serbisë në Bruksel më 27 shkurt 2023, në kuadër të udhërrëfyesit të Bashkimit Evropian, liderët e Kosovës dhe Serbisë ranë dakord për zbatimin e aneksit në fjalë më 18 mars 2023 në Ohër”, thuhet në një deklaratë të Ministrisë së Jashtme turke.
Ministria shprehu shpresën se palët “do të respektojnë plotësisht dispozitat e marrëveshjes në fjalë dhe do të arrijnë rezultate konkrete në periudhën e ardhshme”.
Aty u tha se Turqia ka kontribuar në proces duke dhënë mbështetjen edhe më tej.
“Vendi ynë ka kontribuar në proces, veçanërisht në çështjen e shpërndarjes së energjisë elektrike. Presidenti ynë së fundi ka pasur takime të ndara me presidentin serb Vuçiq dhe kryeministrin e Kosovës, Kurti. Si Turqi, ne do të vazhdojmë të mbështesim të gjitha nismat që synojnë normalizimin e marrëdhënieve ndërmjet Kosova dhe Serbia”, thuhet në deklaratë.
