“Ne do t’i forcojmë institucionet tona në Kosovë dhe i dënojmë kriminelet e luftës sepse cdo gjë tregon që pajtimi dhe paqja e qëndrueshme pa drejtësinë nuk mund të arrihen dhe besoj që gjithashtu duhet të ketë tribunal ndërkombëtar për viktimat e agresionit rus dhe evazionin që filloi 9 muaj më parë”, u përgjigj Kurti në pyetjen e gazetarit se sa është i kënaqur me punën e dhomave të specializuara dhe prokurorët e specializuar dhe nëse është e nevojshme të themelohet një institucion i tillë edhe për Ukrainën.
Megjithatë Kurti paraprakisht tha se në ish-Jugosllavi janë vrarë rreth 150 mijë joserbë, kroatë boshnjakë dhe shqiptarë dhe sipas tij në Serbi as 150 njerëz nuk kanë shkuar prapa grillave.
“Vendet demokratike në BE nuk mund të mbështeten në gjykata të një vendi të vetëm për këtë arsye tribunalet ndërkombëtare janë të nevojshme”, tha Kurti.
Kurti po ashtu përmendi vrasjen e mbi 10 mijë civilëve të paarmatosur gjatë luftës në Kosovë, dhunimin e femrave dhe mbi 860 mijë refugjatë të larguar me dhunë nga Kosova gjatë luftës 1998-99.
