Ai ka thënë se problematike është rritja e rrjedhës së lumenjve “Klina” dhe “Mirusha”, në urat mbi këta lumenj në fshatrat Shtaricë, Gjurgjevik i Madh dhe Pogragjë.
“Ka rritje në rrjedhën e lumit “Klina”, ku edhe gjendja është më problematike mbi urat e këtij lumi në fshatrat Shtaricë, Gjurgjevik i Madh dhe Pogragjë, ku rritja e nivelit të reshjeve mund të sjellë deri në mbylljen e këtyre rrugëve. Po ashtu, lumi “Mirusha” ka filluar të dalë nga shtrati, duke prekur disa biznese dhe familje nga vërshimet”, ka shkruar Elezaj të dielën në Facebook.
Ai tha se janë duke punuar që gjendja mos të keqësohet, ndërsa u ka bërë thirrje qytetarëve të kenë kujdes gjatë lëvizjes me vetura.
“Si institucione lokale, në bashkëpunim me shërbimin e emergjencave dhe zjarrfikësit jemi duke u përpjekur maksimalisht në mënyrë që gjendja mos të përkeqësohet.Edhe në këto momente jemi duke vazhduar vizitat në disa fshatra për të parë gjendjen e krijuar. Apelojmë qytetarët për rritje të kujdesit gjatë qarkullimit me vetura, ndërsa ata që kanë nevojë për intervenim duhet të lajmërojnë shërbimin e zjarrfikësve, policinë dhe Drejtorinë e Shërbimeve Publike dhe Emergjente”, ka shkruar Elezaj.
