Kryeministri i Kosovës, Albin Kurti ka nisur takimin me përfaqësuesin special të Bashkimit Evropian për dialogun Kosovë-Serbi, Miroslav Lajçak.
Në takimin që po mbahet në Prishtinë, Kurti do të drekojë me Lajçak. Ndërsa sipas gazetarit të Tëvë1, takimit i është bashkangjitur edhe ambasadori amerikan, Jeff Hovenier.
Takimi i Kurtit me Lajçakun vjen pasi kryeministri Kurti ka takuar sot ambasadorët dhe diplomatët e akredituar të misioneve diplomatike në Kosovë.
E kryeministri Kurti pas prezantimit të platformës për punësim të të rinjve, theksoi se më pas do të tregojë për atë se çfarë do të diskutohet në takim.
“E kemi një takim tash me gjithë ambasadorët të cilët janë të akredituar këtu në Prishtinë, në Republikën e Kosovës. Por edhe me diplomatë të tjerë të vendeve mike, e kemi një takim në orën 11:00. E më pastaj e kemi edhe një drekë pune me emisarin e veçantë të Bashkimit Evropian për Ballkanin dhe për dialogun Kosovë-Serbi, Lajçak. E më pastaj do të mund të flasim për këto gjëra, pasdite’, ka thënë Kurti./teve1.info
