Kryeministri Albin Kurti ka pritur në një drekë pune kryediplomatin e Greqisë, Nikos Dendias.
Fuqizimi dhe thellimi i marrëdhënieve mes Kosovës dhe Greqisë si dhe pritjet e Kosovës nga takimi i 18 marsit në Ohër në kuadër të dialogut, kanë qenë ndër të tjerash tema diskutimi.
“Ata folën për zhvillimet e fundit në vend dhe rajon, për procesin e normalizimit të marrëdhënieve me Serbinë dhe për propozimin evropian për Marrëveshje Bazë. Me këtë rast kryeministri Kurti e njoftoi ministrin Dendias për takimin e 27 shkurtit në Bruksel dhe pritjet e Kosovës nga takimi i 18 marsit në Ohër të Maqedonisë së Veriut”, thuhet në njoftimin e Zyrës së Kryeministrit.
Po ashtu njoftohet se kryeministri Kurti i shprehu edhe një herë ngushëllime ministrit Dendias dhe popullit grek për jetët e humbura në aksidentin tragjik që ndodhi në Greqi në javën e parë të marsit.
Dendias po zhvillon vizitën e tij të gjashtë në Kosovë.
https://teve1.info/lajmet/kurti-e-pret-dendiasin-ne-dreke-bisedojne-per-dialogun/
