Në rend të ditës do të jetë interpelanca ndaj ministrit të Financave, Punës dhe Transfereve për ndaljen e pagave për grevistët.
Besnik Tahiri, shef i Grupit Parlamentar të AAK-së, tha se ministri Murati duhet të jetë përgjegjës për presionin, siç tha ndaj nivelit lokal dhe mos ekzekutimin e pagave ndaj punëtorëve të administratës dhe grevistëve.
Ai pas mbledhjes së Kryesisë së Kuvendit të mbajtur të hënën pati vërejtje edhe Ligjin e Zyrtarëve Publik të miratuar në Qeveri.
Sipas tij, me këtë ligj janë bërë ndërhyrje flagrante në stafin e shërbimit civil.
“Do të ngremë zërin edhe për Ligjin për Zyrtarët Publik të miratuar në qeveri. Ka të bëjë me një ndërhyrje flagrante që tash e 20 vjet nuk ka ndodhë drejtpërdrejt në stafin dhe shërbimin civil përmes cenimit të kontratave të tyre”, tha Tahiri./teve1.info/
