“Ardhja e vazhdueshme e tyre, më shpesh se që ka ndodhur në praktikën e dialogut, po tregon seriozitetin nga ShBA dhe BE, por gjithashtu po jep një sinjal që bisedimet duhet të marrin një format që duhet të krijonte një vendim të zbatueshëm nga të dy palët… Por gjithashtu tensionet, destabiliteti në Mitrovicë që ishte kohëve të fundit po tregon që nuk duhet të përsëritet ajo që ka ndodhur dhe po kërkohet që të dialogohet në korniza më konkrete”, ka shtuar ajo në emisionin “Ditari” në Tëvë 1.
Ajo thotë se propozimi evropian do të sjellë një marrëveshje me Serbinë por jo përfundimtare.
“Duket që në parim edhe pse nuk e kemi një dokument zyrtar të publikuar, por në një formë apo një tjetër aty janë pikat që do të sillen në një marrëveshje, nuk do të thoja bash përfundimtare. De fakto ai plan 9 pikësh e njeh pavarësinë dhe shtetformimin e Kosovës, për atë ai nuk është pranuar nga Serbia e cila po kërkon destabilizim”, ka vazhduar Tahiri-Beqa.
Ajo thotë se ka mundësi që ai plan të përditësohet prapë
Tahiri-Beqa shton se se Serbia nuk është në pozitë të vendos kushte për arritjen e një marrëveshje, teksa është skeptike që mund të arrihet një marrëveshje me Serbinë me njohje në qendër.
“Nëse i shohim deklaratat e para të Vuçiqit që ka qenë kundër planit franko-gjerman, por nuk është favorizuese Serbia që të qet kushte. Ne e dimë që Serbia nuk do ta njohë Kosovën, ne nuk e presim atë. Dyshoj shumë që marrëveshja me njohje në qendër deklarative, do të ishte e pamundur, duke e njohur politikën e gjithmonshme të Beogradit. Për neve është e rëndësishme të ecim përpara dhe dialogu fatkeqëisht shpesh ka sjell regres në arritjet tona apo rrugëtimin tonë euroatlantik”, ka deklaruar Tahiri-Beqa.
