Gjatë vizitës ai u shoqërua nga kryetarët e dy komunave dhe ministri i Administrimit të Pushtetit Lokal, Elbert Krasniqi.
Sveçla në Facebook theksoi se gjatë kësaj vizite ata kuptuan nevojat e qytetarëve dhe të njëjtëve i’u ofrua përkrahja për tejkalim të situatës.
“Me kryetarin e Komunës së Rahovecit, Smajl Latifi, vizituam fshatin Fortesë ku u njoftuam për dëmet të cilat janë shkaktuar nga reshjet e mëdha të shiut. Ministria e Punëve të Brendshme përmes Agjencisë për Menaxhimin e Emergjencave ka ofruar kontributin me zjarrfikës të cilët janë angazhuar në evakuim të familjeve në lagje të ndryshme”, ka shkruar ai.
Teksa tha se Policia e Kosovës bashkë me FSK-në do tu përgjigjen nevojave të qytetarëve gjatë tërë kohës.
“Ministria e Punëve të Brendshme përmes Agjencisë për Menaxhimin e Emergjencave ka ofruar kontributin me zjarrfikës të cilët janë angazhuar në evakuim të familjeve në lagje të ndryshme. Policia e Kosovës dhe FSK është në koordinim të ngushtë me dy Komunat që t’iu përgjigjet kerkesave dhe nevojave të qytetarëve gjatë tërë kohës”, shkroi tutje ai./teve1.info./