Poashtu në video dëgjohen edhe të shtënat në drejtim të Policisë së Kosovës, në natën kur ishte parparë nisja e zbatimit të reciprocitetit për letërnjoftimet për qytetarët që hyjnë nga Serbia në Kosovë.
Sveçla ka thënë se pamjet na i kujtojnë fundvitet e 80-ta dhe 90-ta të shekullit të kaluar.
Ai për këto grupe ka folur edhe gjatë konferencës për medie, ekzistimin e këtyre grupeve sipas tij e ka pranuar edhe presidenti i Serbisë, Vuçiq.
“Ne kemi dëshmi të prezencës së grupeve të armatosura me maska e unifroma, në mes të natës së 31 korrikut dhe 1 gushtit. Siç e thatë edhe vetë, është hera e parë që Vuçiq e konfirmon atë që ne e kemi thënë që një kohë. Kjo prezencë është e infiltruar në masë të madhe nga territori i Serbisë. Edhe bashkësia ndërkombëtare e ka konfirmuar këtë prezencë që është e infiltruar nga territori i Serbisë dhe i shfrytëzojnë pjesëtarët e xhandarmërisë [që jetojnë] në Kosovë apo edhe grupe kriminale që veprojnë në atë zonë”, ka thënë ai të mërkurën në konferencë./teve1.info/
