Kështu kanë thënë nga Menaxhmenti i këtij Spitali për Tëvë1, ku shtuan se kujdestaritë me dy kirurgë është e pa mundur të organizohen, mirëpo sipas tyre blloku operativ nuk ka rënë.
Sipas menaxhmentit, numri i pacientëve ka qenë në vazhdimësi i madh.
“Gjatë vitit 2022 në Spital janë kryer 1808 operime me ekipin e përbërë prej 5 kirurge. Duke pasur parasysh se listat e pacientëve të operuar janë të planifikuara nga mjekët dhe shefi i bllokut, për momentin nuk e dimë saktë sa është numri i pacientëve që janë në pritje. Megjithatë edhe pse aktualisht i kemi dy kirurgë, puna operative po vazhdon në pajtim me planin operativ të dy kirurgëve. Kujdestaritë me dy kirurgë është e pa mundur të organizohen megjithatë blloku operativ nuk ka rënë”, kanë deklaruar ata.
Po ashtu, nga menaxhmenti i këtij Spitali kanë thënë se kanë shpallur konkursin publik për dy kirurgë.
“Për shkak të volumit të madh të punës ne e kemi shpallur konkursin publik për dy kirurgë, për çka janë duke u zhvilluar procedurat. Dhe së shpejti përfundon ky proces. Po ashtu për këtë proces kemi marr edhe mbështetjen e SHSKUK-së për bashkëpunim dhe organizim të punës me kirurgë shtesë”, kanë thënë nga ky menaxhment. /Teve1.info/
