Përmes një njoftimi në Facebook nga YIHR kanë thënë se protesta do të mbahet në orën 13:00, teksa kanë ftuar qytetarët e Kosovës që t’i bashkohen kësaj nisme.
“Ftojmë të gjithë qytetarët/et e Kosovës që të na bashkohen nesër në një protestë paqësore pranë Zyrës Ndërlidhëse Ruse në Prishtinë, që të kundërshtojmë pushtimin e Ukrainës nga Rusia dhe të kërkojmë ndëprerjen e menjëhershme të luftës. Duke qenë se në Kosovë kemi përjetuar efektet shkatrrimtare të luftës, pasojat e së cilës vazhdojmë t’i vuajmë edhe sot, si shoqëri dhe si shtet duhet të dënojmë fuqishëm pushtimin e Ukrainës nga Rusia, dhe në të njejtën kohë të bashkë-ndjejmë me njerëzit në Ukrainë për vuajtjet e tyre në këtë kohë shumë të vështirë”, thuhet në njoftim.
Po ashtu, YIHR ka u ka bërë thirrje të gjithë aktorëve ndërkombëtarë, organizatave të shoqërisë civile, organizatave paqeruajtëse dhe të gjitha vendeve demokratike që të angazhohen për paqe dhe stabilitet ne Ukrainë dhe kudo në botë. /teve1.info/
