Në ambientet e Kuvendit të Kosovës gjatë ditës së sotme punën pritet ta vazhdojnë tri komisione parlamentare.
Bëhet fjalë për komisionin për Mbikëqyrjen e Agjencisë së Kosovës për Inteligjencë i cili sot në ora 10:00 mbanë mbledhjen e radhës.
Mbledhje pritet të mbajë edhe Komisioni për Integrim Evropian. Në këtë komision njëra nga pikat e rendit të ditës është edhe shqyrtimi dhe miratimi i Raportit të punës së Komisionit për vitin 2022.
Ndërsa në orën 11:00 mblidhet edhe Komisioni për Buxhet, Punë dhe Transfere. Në këtë komision, në rend dite është edhe shqyrtimi i Raportit të shpenzimeve të Radiotelevizionit të Kosovës për periudhën tetor-dhjetor për vitin 2022, si dhe shqyrtimi i Programit të Shpenzimeve të Radiotelevizionit të Kosovës për periudhën janar-mars për vitin 2023.
