Këtë deklaratë Skeja e bëri duke komentuar rastin e logopedit, Iljasa Fazliu, i cili dyshohet se një muaj më parë ka keqtrajtuar një pacient të moshës 5 vjeçare në klinikën e tij private. Mirëpo, tek tani ShSKUK-ja ka dalë me një vendim për ta kthyer këtë të fundit në vendin e tij të punës.
“Në anën tjetër, krijohet një ambient jashtëzakonisht i dëmshëm në QKUK, ku ti mund të jesh edhe në kamerë për abuzim ndaj pacientit, mund të jesh nën hetime nga prokuroria edhe mund të jesh pa licencë. Mirëpo, tashmë më 5 janar ka filluar procesi i licencimit, por përsëri mund ta mbajnë vendin e punës. E në këtë pikë, gjithçka tjetër është e mundur, çdo individ tjetër që i shkel rregullat e etikës dhe i keqtrajton pacientët, përsëri e ka vendin e sigurt në ShSKUK. Pra, nuk ka rëndësi se çfarë bën. Prandaj, kjo është shumë e dëmshme për shëndetin tonë”, u shpreh kështu Skeja në emisionin “Ditari”.
I pyetur se a i është drejtuar zyrtarisht ShSKUK-së lidhur me kërkesën që logopedi Fazliu të mos e vazhdojë punën, Skeja tha se e ka bërë një gjë të tillë, teksa bëri thirrje që të shkarkohen edhe bashkëpunëtorët tjerë të kësaj çështje.
“Po, mirëpo së pari po shikojmë sa është e gatshme ShSKUK-ja ta rregullojë këtë gabim, e nëse nuk ndërmarrin asgjë, ne do e shqyrtojmë edhe në instanca tjera duke e kontraktuar edhe Inspektoratin Shëndetësorë për t’u siguruar që jo vetëm Iljasa Fazliu të shkarkohet, por edhe individët të cilët janë marrë me këtë rast, e nuk kanë thënë se këtu ka shkelje të etikës. Pra, gjithashtu edhe bashkëpunëtorët duhet të shkarkohen”, tha tutje Skeja në Tëvë1.
Ndërkaq, se a mund të ketë pasoja një vendim i tillë, Skeja tha se pasojat janë të dyanshme, e që sipas tij, abuzime të tilla të qojnë deri në depresion, simptoma të ankthit, e gjithashtu edhe deri tek vetëvrasja./teve1.info/.
