Sipas Shehollit, Elektroseveri nuk i ka përmbushur asnjë prej kritereve të përcaktuara sipas marrëveshjes.
“Elektroseveri nuk i ka përmbushur asnjë prej kriterevë të përcaktuara të cilat janë më herët të përcaktuara në bazë të marrëveshjes së arritur më 24 qershor të këtij viti. Në marrëveshje thuhet që 100 ditë i ka kjo kompani elektrosever që ti përmbushë këto kritere, nëse nuk përmbushen atëherë do ti revidohet licensa”, tha ai.
Sheholli në një video- lidhje direkte në emisionin “Info Nata” theksoi se faktori evropian dhe amerikan do të duhej ti bënte një presion më të fuqishëm Serbisë sa i përket zbatimit të kësaj marrëveshjeje.
“Sipas faktorit evropian, gjerman, frances por edhe amerikan unë shpresoj se do të bëhet një presion më i fuqishëm në Serbi, në këtë kompani e cila vërtetë është shtetërore e Serbisë por që vërtet kryen funksione këtu në Kosovë e regjistruar me ligje të Republikes së Kosovës. Dhe konsideroj që këto tri javë ata do ta japin përgjigjen e vet përndryshe nuk ka kurfar kuptimi që kjo çështje të vazhdojë kështu, por Kosova duhet ta gjejë formën dhe veprimin e saj që tash e tutje mos t’ua paguajmë ne rrymën në Serbi siç e kemi paguar tash e 20 vite “, shtoi ai./teve1.info./
