“Fatkeqësia më e madhe është se gjashtë ministra në këtë kohë tubohen me ftesë të ministres së Tregtisë, futin në listë 6 investitorë strategjikë, i trajtojnë pa bazë ligjore dhe marrin vendim me rregullore të shfuqizuar. Pra të njëjtit që kanë votuar për shfuqizim të rregullores. Asnjë analizë, asnjë logjikë juridike”, ka thënë ai në Ditari në Tëvë 1.
Shala ka thënë se një shtet i tërë po punon për të favorizuar importin energjetike, përderisa nuk ka legjislacion dhe energji për krizën energjetike.
“Në njërën anë kemi bllokim të prodhimit energjetik dhe sabotim në remontet e termocentraleve, në anën tjetër ndërpriten investimet në sektorin e energjisë alternative. Ne si do të furnizohemi me energji nëse e ndalim thëngjillin dhe burimet alternative. Parimisht ne jemi në një situatë ku nuk ka asnjë lloj komenti se çka do të bëjmë”, ka thënë ai.
Sipas tij, po bëhet lobim i skajshëm për të favorizuar importin e energjisë, e sidomos kompaninë GEN dhe ato të lidhura me ambasadorin Martin Berishaj.
“Ka një lobim të skajshëm për t’i krijua favore kompanive për import. Sot aferat korruptive janë në piramidën më të lartë të shtetit dhe hapur e themi që është lobim korruptim për të sabotuar prodhimin vendor energjetik që varësia energjetike të jetë ashtu siç nuk duhet të jetë. Kjo kompani është GEN-i, linjat e Martin Berishajt deri tek Albin Kurti. Kjo është e faktuar, nuk kemi asnjë dilemë”, ka thënë Shala.
Sipas tij, për këtë ka edhe fakte.
“Është e faktuar tërheqja e parave kesh, për këtë ka fakte, faktet e dëshmojnë financimin e këtyre linjave dhe fakte që tregojnë se sabotimi në remontin e B dhe zvogëlimi i kapacitetit prej 50 megavatë, pikërisht ka kriju humbje ditore prej 150 mijë euro Kosovës që duhet t’i importojë. Kur ia shtojmë kësaj që edhe A-ja është në remont që 1 vjet, është sabotim për të kriijuar favore këtij rrjeti të dyshimtë shumë dhe në dëm të ekonomisë së vendit”, ka shtuar Shala.
