Si një bashkëluftëtarë i tyre, Shala rrëfeu ngjarjen në 24-vjetorin e vdekjes së Fehmi e Xhevë Lladrovci.
Ai tha se Lladrovci ka qenë më i prerë se të tjerët dhe dy tre hapa para të gjithëve.
“Zoti Lladrovci ka qenë shumë më i prerë se ne të gjithë të tjerët, Fehmi Lladrovci ka qenë o ndjekur në atë kohë mirëpo ka qenë më i prerë dhe më i qartë në tubime me bashkatdhetarët tanë në Gjermani… atë që ai e ka thënë në vitin 1994,1995. ne e kemi thënë në vitin 1997 Kështu që Feha ka qenë dy tre hapa para të gjithëve në këtë drejtim”, tha ai.
Tutje gjatë emisionit “Info Nata”, Shala rrëfen rrugëtimin nga Shqipëria për në Kosovë teksa thotë se e kanë pasur shumë të vështirë.
“ E kemi pasur të vështirë udhëtimin i cili ka zgjatur diku dy ditë, ditën nuk kemi mundur të ecim por kemi fjetur në mal…Një pjesë kemi ardhur nga Zvicrra në Shqipëri, kurse Feha me një pjesë tjetër, Sami Lushtakun e një pjesë tjetër të bashkëluftëtarëve kanë ardhur nga Gjermani dhe jemi takuar së Bashku në Has të Shqipërisë ku edhe jemi armatosur dhe jemi ardhë, diku kemi qenë 28 pjestarë të cilët kemi hy ose mund të themi edhe grupi i parë ku ka qenë ish presidenti Hashin Thaçi, Kadri Veseli, Fatmir Limaj, e një pjesë e madhe”, rrëfen ai.
Ish- komandanti i UÇK-së thotë se ndihet i vogël kur flet për Xhevën dhe Fehmiun.
“Po ndihem shumë i vogël të flas për Xhevën dhe Fehmiun, Xheva ka qenë e barabartë me neve burrave mos të themi edhe ma burrë se shumë do burra që i kam takuar aty dhe mund të themi se nuk kemi8 mundur askush t’i ndajmë ata të dy pasi që kanë qenë të përgatitur edhe fizikisht edhe psiqikisht për të luftuar. Asnjëri nga bashkëluftëtarët tanë nuk ka punuar më shumë se Feha se nuk kanë mundur ta kryejnë këtë detyre”, tha Shala./Teve1.info/
