I ftuar në “Info Nata” në Tëvë 1, Shala thotë se deklaratat e Kurtit janë mbështetur në operacionin ushtarak fushor të bërë së fundmi nga forcat ushtarake serbe afër kufirit me Kosovën.
Shala thekson se në operacionin e koduar “Veriu 2022” janë angazhuar njësi të ndryshme ushtarake dhe në mënyrë më aktive sesa më parë.
“Duhet të fokusohemi te një element, muajin e kaluar ka qenë një ushtrim fushor me kodin ushtarak ‘Ushtrimi fushor veriu 2022’. Me njësitë që janë angazhuar në këtë ushtrim kanë kryer një intervenim të caktuar ushtarak në një hapësirë të kontrolluar nga seperatistët, çështja të gjitha njësitë që janë përdorë në atë ushtrim janë përdorur mekanizmat e ndryshme nivelit ajror, këmbësorie, taktike por njëkohësisht për herë të parë më aktive xhandarmëria”, thotë ai.
Sipas tij, aktivizimi i njësisë së xhandarmërisë së sofistikuar që kanë marrë pjesë aktive në këtë ushtrim ka bërë që të ngritet si shqetësim edhe në NATO.
Tutje, Shala thotë se pasi që Shqipëria është pjesë e NATO-s, kryeministri shqiptar, Edi Rama ka informuar Kurtin lidhur me këto veprime.
“Pra esenca këtu në thelb është për herë të parë një njësi të xhandarmërisë të sofistikuar që kanë marrë pjesë në mënyrë aktive në atë ushtrim fushor. Në këtë aspekt mekanizmi ndërkombëtar ushtarak e ka ngritur si shqetësim dhe është biseduar me rrethin e ngushtë në NATO dhe këtë informacion relevant falë që kemi Shqipërinë pjesë, e ka marrë vesh Edi Rama”, thotë ai.
Madje, eksperti i sigurisë potencon se kjo mund të jetë edhe njëra ndër temat e diskutimit mes Kurtit e Ramës javën e kaluar.
“Kjo ishte njëra nga arsyet sepse takimet ishin çështjet e sigurisë është se në kuadër të tematikës së sigurisë ishte edhe ushtrimi ushtarak ku është potencuar se NATO ngrit shqetësimin se ka një shtim të gatishmërisë ushtarake përtej brezit kufitar me Kosovën, njëkohësisht ka ftuar rezervistët të jenë të mobilizuar për aktivitetin e tyre ushtarak. Çështja është që duke pasë parasysh të gjitha këto elemente nëse bëhen së bashku na del një skenar që Serbia po tenton çdo mënyrë t’i krijohen mundësitë që në rast se do të ketë një ndërhyrje kjo të fokusohet te elementi kyç që është Kosovë – Mali i Zi – Bosnjë”, tha ai./teve1.info/.
