Pyetjes së kush është Oliver Ivanoviq, i përgjigjet në këtë mënyrë:
Oliver Ivanoviq ishte një politikan serb i Kosovës dhe udhëheqës i organizatës politike “Liri, Demokraci, Drejtësi”. Ai ishte një figurë e shquar në politikën e Kosovës dhe ishte i njohur për mbrojtjen e të drejtave të pakicës serbe në rajon. Ai u vra në janar 2018.
Është kjo biseda virtuale e njohur si “ChatGPT”e lansuar në fund të vitit të kaluar.
Por, Inteligjenca Artificiale në këtë përgjigje, nuk jep asnjë informacion për përfshirjen e Oliver Ivanoviqit në vrasjen e civilëve të pafajshëm gjatë luftës së fundit në Kosovë.
Ndërkohë pa përgjigje mbetet pyetja për Goran Radosavljeviqin, përgjegjësin kryesor për Masakrën e Reçakut dhe sulmin mbi familjen Jashari.
Por, çfarë është Inteligjenca Artificiale, që së fundmi ka pushtuar botën e internetit?
Doktori i shkencave kompjuterike, Ramadan Dervishi, ka treguar se a mund të ndërhyhet në të dhënat që i ofron kjo platformë.
Ndërkohë profesori universitar në Departamentin e Gazetarisë, Dren Gërguri, thotë se me Inteligjencën Artificiale, mundësohet shpërndarja me e lehtë e dezinformatave.
“…në botën e internetit ku ajo ushqehet, jo ka lloj-lloj informacionesh, të vërteta dhe të pavërteta. Kjo bën që në rastet për Kosovën dhe për propaganda që janë kundër shtetit të Kosovës, institucionet tona të jenë edhe më të vëmendshme edhe me të shpejta në demant”, tha Gërguri.
Tëvë1 ka pyetur në Ministrinë e Arsimit Shkencës dhe Teknologjisë se cili është plani që shteti i Kosovës ka përball kësaj propagande serbe.
Por, deri në publikimin e kësaj kronike nuk kemi marrë përgjigje.
Kronika e realizuar nga gazetari Fidan Zejnullahu.
