Ndërsa, duke folur për çështjen e pozicionit të Serbisë në pro ose kundër invazionit të Rusisë në Ukrainë, Seferi tha se është e vështirë të pritet që president ser Aleksandar Vuçiq të dalë kundër presidenti rus, Vladimir Putin.
“Gjithsesi, presidenti Vuçiq është si në gërshërë në këtë rast dhe nuk di si të vendos, por do të adresohet dikur pas orës 18:15. Dy ditë rresht është takuar Këshilli i Sigurisë Kombëtare të Serbisë, për shkak se e bën të pamundur faktin që Serbia të vendos si të pozicionohet. Në njërën anë e ka paraqitur vetën si Ukraina duke mbrojtur sovranitetin dhe duke thënë që qëndron në të drejtën ndërkombëtare, por njëkohësisht ka trumbetuar në vazhdimësi marrëdhëniet e mira me Rusinë dhe me Kinën dhe në këtë rast është e vështirë që Vuçiq të dal kundër Putin, pavarësisht që është vend kandidat për anëtarësim në Bashkimin Evropian”, vlerësoi Seferi.
Më tej, ai tha se pret që Serbia të mos pozicionohet shumë qartë për këtë çështje.
“Unë besoj që do të jetë reagim për thirrje për dialog dhe jo shumë marrje anësh në këtë rast… Është e vështirë që të parashihet se si Vuçiq do të nxirret nga kjo situatë, pasi më 3 prill do të ketë edhe zgjedhje në Serbi dhe kjo situatë padyshim që ka ndikim”, ka shtuar Seferi.
