I ftuar në emisionin “Info Nata”. në Tëvë1, Sefaj tha se çështja e Ligjit të Pagave më shumë ka të bëjë me mosnjohjen e sistemit dhe jo profesionalizmit të njerëzve që janë bartës të këtij procesi dhe sipas tij, kanë vendosur Qeverinë në pozitë të papërshtatshme për të cilën ai tha se duke u mbyllur hermetikisht ka krijuar edhe një pakënaqësi të panevojshme.
“Nëse nuk do të ketë ndryshim të shumës së buxhetit që është ndarë për pagat duhet të bëhet plotësim ndryshimi i Ligjit për buxhetin dhe ai duhet të shkojë në Qeveri pastaj në Kuvend dhe në rast se nuk kemi shtim të buxhetit për paga, vlera e koeficientit do të jetë aq e vogël sa do të jetë e papranueshme për sektorin publik. Dhe sektori publik përveç që kanë pritur që pagat e tyre të rregullohen me Ligj, kanë pritur që pagat e tyre me të drejtë të rriten për shkak të inflacionit të rëndë që e ka godit në tri vitet e fundit këtë vend”, tha ai.
Madje Sefaj tha se në rast se vlera e koeficientit do të jetë më e vogël se 120 euro, Ligji për Paga do të dërgohet në Gjykatën Kushtetuese.
“Në rast se vlera e koeficiontit do të jetë më e vogël se 120 euro Ligji do të dërgohet në Gjykatën Kushtetuese, për arsye se nuk flasim më për ligj për paga, por flasim për një ligj që e mirëmban varfërinë në sektorin publik. Hapat tonë si Sindikatë, ne do të jemi grupimi i katërt që do ta dërgojmë kërkesën te Avokati i Popullit që lënda të procedohet pastaj të atakohet në Gjykatën Kushtetuese, se ne si Sindikatë e kemi vetëm një adresë, ajo është Avokati i Popullit e jo nëpërjet subjekteve politike”, shtoi ai./teve1.info./
