Ai bëri të ditur se nuk mund të bëhet shkëputja e njëanshme e kontratës, përveç nëse palët ulen dhe vendosin për plotësime apo ndryshime.
Shatri potencoi se nuk kanë qenë të njoftuar se Ministria e Arsimit do ta marrë një hap të tillë.
“Jo, asnjëherë SBASHK-u nuk ka qenë i njoftuar se do të merret një hap i tillë nga Ministria e Arsimit dhe ende nuk kemi kontakte me Ministrinë e Arsimit sa i përket këtij njoftimi, ku ne konsiderojmë që kjo kontratë është në fuqi ligjore deri në afatin e paraparë ligjor prej tre viteve”, tha ai në “Ditari” në tëvë 1.
Ministria e Arsimit, Shkencës dhe Teknologjisë ka shkëputur Kontratën Kolektive me Sindikatën e Bashkuar të Arsimit, Shkencës dhe Kulturës. Në letrën që MASHTI ia ka dërguar SBASHK-ut thuhet se Kontrata Kolektive është shkëputur njëanshëm nga Ministria e Arsimit.
Në lidhje me këtë, kryetari i SBASHK-ut, Rrahman Jasharaj për Teve1.info ka thënë se çështjen do ta dërgojnë në gjykatë. Kontrata Kolektive ishte nënshkruar në janarin e vitit 2021 nga ministri i Arsimit i asaj kohe, Ramë Likaj dhe kryetari i SBASHK-ut, Rrahman Jasharaj. /Teve1.info/
