Në komunikatën nga SBASHK-u thuhet se me trishtim kan marrë lajmin për rastin tragjik në familje.
Madje sipas tyre, si pasojë e dhunës familjare që ka nisur të bëhet përditshmëri, ka humbur jetën anëtarja e devotshme e kësaj sindikate.
“Me plot dhembje e trishtim morëm lajmin për rastin tragjik në familjen Godeni. Dhembja shtohet për të gjithë punëtorët e arsimit ngase si pasojë e dhunës familjare, që ka nisur të bëhet përditshmëri, humbi jetën mësimdhënësja dhe anëtarja e devotshme e sindikatës sonë Sadije Godeni. Loti e dhembja jonë bëhet bashkë me dhembjen dhe lotin e punëtorëve arsimorë në shkollën Dardania në Prishtinë dhe në gjithë Kosovën. Të lutemi bashkë që ngjarje të tilla tragjike të mos ndodhin kurrë më”, thuhet në komunikatë.
Edhe ministrja e Arsimit, Arbërie Nagavci, në reagimin e saj tha se rastin e bënë edhe më të rëndë fakti që ishte mësuese dhe se do t’i mungoj përgjithmonë nxënësve të saj./teve1.info./
