Në njoftimin e Ministrisë së Ekonomisë thuhet se studimi i fizibilitetit pritet të përfundohet sivjet dhe se më pas do të fillojë puna në projekt të ngrohjeve. Megjithëse në njoftim nuk është specifikuar se në komuna pritet të kryhet studimi i fizibilitetit.
Gjithashtu bëhet e ditur se Rizvanolli ka kërkuar nga kryetarët e komunave që të fillojnë të punojnë në lehtësimin e proceduarave, që sa më shpejt të fillojnë investimet në këto projekte.
“Po ashtu, ministrja Rizvanolli i ka falënderuar komunat, të cilat kanë caktuar personat përgjegjës që t’i asistojnë qytetarët për aplikim për subvencionim të blerjes së pajisjeve efiçiente të energjisë. Si rezultat i kësaj thirrje, janë 8,700 përfitues në të gjithë Kosovën, të cilët janë pajisur me pajisje efiçiente, duke ulur shpenzimet e tyre të energjisë elektrike në 70%, 851 nga të cilët janë qytetarë përfitues të asistencës sociale”, thuhet në njoftim.
Sa i përket krizës energjetike evropiane, Rizvanolli ka treguar që janë ndarë rreth 95 milionë euro për t’u përballur me këtë krizë, duke përfshirë këtu edhe 78 milionë euro për subvencionim të faturave të të gjithë qytetarëve dhe bizneseve të vendit.
“Rizvanolli ceki që gjatë vitit që lamë pas, në nivel të Kosovës ka pasur ulje të konsumit të energjisë në vlerë prej 8% në krahasim më vitin paraprak. Ajo u bëri thirrje institucioneve lokale që të vazhdojnë të jenë sa më racionalë në konsum të energjisë elektrike, pasi kursimi është një ndër hapat kryesor në përballje me krizën energjetike”, thuhet më tej në njoftim.