Reshitaj në emisionin “Ditari” në Tëvë1, ka thënë se çdo sekondë i humbur në arsim ka pasoja dhe përgjegjësi të mëdha.
“Unë i kuptoj edhe përfaqësuesit e SBASHK-ut sepse janë lodhur dhe është një fazë e gjatë e punës që po e bëjnë. Për mua ka një përgjegjësi kolektive gjithë kjo situatë dhe llogaridhënie. Mendoj që çdo sekondë i humbur në arsim ka pasoja të mëdha dhe përgjegjësi të mëdha”, ka deklaruar ajo.
Sipas saj, SBASHK-u me qeveritë e kaluara janë ulur dhe kanë gjetur një kompromis.
“Në komision kam kërkuar nga SBASHK-u që të na tregojnë nëse ka një alternativë tjetër. Me qeveritë e kaluara janë ulur dhe kanë gjetur një kompromis, jo gjithmonë janë marrë si të realizueshme maksimumi i kërkesave të tyre mirëpo është gjetur një zgjidhje”, theksoi Reshitaj. /teve1.info/
