Nga SHSKUK thonë se ORL-ja ka në dispozicion 13 mjekë dhe nuk rrezikon mbylljen, përcjell teve1.info
“Në klinikën e Otorinolaringologjisë janë të angazhuar 13 mjekë specialistë, e 2 të tjerë janë në proces të rekrutimit, të cilët arrijnë me shumë profesionalizëm të mbështesin nevojat e klinikës. Shtuar këtu që përmes shkollimit specialistik, vetëm klinikës së ORL do të i shtohen edhe 12 specialistë të tjerë pas përfundimit të specializimit”, thuhet në reagimin e tyre.
Sipas SHSKUK-së, njoftimet e tilla të shpeshta për largimin e profesionistëve shëndetësorë nga vendi, po krijojnë brenga te qytetarët.
“Në respekt të punës së profesionistëve shëndetësorë, qytetarëve anëkënd vendit që marrin- informohen nga mjetet e informimit, ju lutemi që të na drejtoheni për verifikimin e të dhënave që keni për klinikat e stafin. Kjo për arsyen e vetme të mbrojtjes së interesit publik dhe shëndetit të qytetarëve”, thonë nga SHSKUK. /Teve1.info/
