Megjithatë ai ka shtuar se është me rëndësi që prezenca e KFOR-it është në tërë territorin.
I pyetur për formacionin paramilitar privat ‘Wagner’ ai ka thënë se ka fakte që pjesëtarë të saj janë parë edhe në Kosovë.
“Përderisa ‘Wagner’ ka pjesëtarë në Serbi, duket qartë se ka pasur lëvizje të tyre edhe në Kosovë. Për ne është jashtëzakonisht problem dhe mbetet ndërhyrja e Serbisë dhe atë problem mund ta largojmë vetëm në partneritet me botën demokratike”, ka thënë ai në “Respublika” në Tëvë 1.
Ramadani tha se Vuçiq e ka përmendur ekzistencën e këtij grupi në Serbi duke shtuar se serbët po rekrutohen nga ky grup.
Por megjithatë sipas tij Vuçiq me qëllim nuk e ka përmendur prezencën e këtij grupi në Kosovë.
“Ai normalisht nuk e ka përmendur Kosovën sepse këtu do të demaskohej politika e tij dhe unë po e them pastër se prezenca e njerëzve të ‘Wagnerit’ është parë, incizuar e publikuar nga mediat në Kosovë, pra është konfirmim brutal i faktit se Serbia është territor i operimit të Wagnerit”, ka shtuar Ramadani.
Sipas tij gjendja e sigurisë në Kosovë e ka shtyrë edhe më shumë faktorin ndërkombëtar të investojë për arritjen e marrëveshjes finale.
“Faktet e publikuara kanë shty këtë pjesën e botës demokratike, partnerët tanë strategjikë të investojnë kaq shumë për arritjen e një marrëveshjeje qoftë ajo finale, qoftë ajo drejt finales. Dhe sikurse e ka thënë edhe ambasadori Hill, bota janë duke u marrë edhe me një të çmendur si Putini”, ka thënë Ramadani.
