Vlera e faturës është dyfishuar në krahasim me vitet e kaluara.
Këtë e ka shpjeguar përmes një statusi në facebook, ekonomisti, Ujkan Bajra duke analizuar faturën e tij.
Kjo ka shqetësuar edhe qytetarët tjerë duke e konsideruar këtë rritje absurde duke pas parasysh të ardhurat e tyre mujore.
“Është vështirë me pagu për një pjesë të qytetarëve, pjesa më e madhe kanë me pas probleme… kriza është e përgjithshme dhe në vende tjera por ne jemi vend i vogel dhe i varfër…” u shpreh qytetari Veli Veliu.
“Duhet ndryshojë duhet të zbritet, sepse rrogat nuk janë ngrit dhe tatimet po dhe varfëria është në pragë”,tha Binak Hoti.
“Ne jemi optimist dhe besoj se edhe kësaj here do ketë zgjidhje që do të shkoj për shtati edhe tatimpaguesit… spo du me besu që është 100% por shpresoj të gjindet një kompromis…”, deklaroi Fehmi Sopi.
Por, Komuna e Prishtinës ka njoftuar që nuk e ka bërë përcaktimin e shumave në faturat e qytetarëve për vitin tatimor 2023.
“Bazuar në dispozitat e Ligjit në fuqi për Tatimin në Pronën e Paluajtshme, “Autoriteti kompetent për zbatimin e procedurës së vlerësimit është Ministria e Financave e cila përcakton zonat e vlerave, nivelet e vlerave dhe vlerën e vlerësuar të pronave të paluajtshme që janë brenda territorit të komunave. Vlerësimi i pronave të paluajtshme kryhet në përputhje me rregullat dhe procedurat e parashikuara në këtë Ligj dhe në aktin nënligjor që nxjerr Ministria e Financave për kategoritë e vlerave, metodat dhe modelet e vlerësimit”, thuhet në sqarimine Komunës së Prishtinës.
Ndërkaq, njohësi i ekonomisë Mustafë Kadriaj, thotë se në këtë rast janë qytetarët të cilët po e pësojnë.
“Kjo është një fakt që ata që po e jep në fakt shteti përmes disa pakove sociale në anën tjetëe po i mbledh këto përmes tatimeve në pronë që në parim është e natyrshme që duhet të paguhet ky tatim, por gjithmonë duhet të dihet niveli i të hyrave të qytetarëve nëse rritet një tatim mbi 70% është diqka që vetëm mundohet të iagullabron qytetarëve të hyrat por nuk ka politika ekonomike shteti në të dy nivelet, kush ngarkohet është vetëm qytetari sepse qeveria ia hudh fajin ministrisë por kush po pëson është qytetari”, vlerësoi Kadriaj.
Kritika dhe reagime për ngritje të tatimit në pronë nga Ministria e Financave kishte nga opozita, e nga Asociacioni i Komunave të Kosovës.
Kronika e gazetares Lendrina Kodrolli.
