Qeveria ka ftuar në takim të gjithë qytetarët, ku takimi i parë do të mbahet nesër në qytetin e Prizrenit duke filluar nga ora 15:00 në sallën Dokukino, raporton teve1.info
Aty do të marrin pjesë kryeministri i Kosovës, Albin Kurti, Ministri i Financave, Hekuran Murati dhe Ministri i Administrimit dhe Pushtetit Lokal, Elbert Krasniqi.
“Qeveria e Republikës së Kosovës fillon takimet me qytetarë të Komunave të Kosovës për ta prezantuar Buxhetin për vitin 2023, njëherit buxheti më i madh në histori të vendit. Nesër jemi në Prizren, në orën 15:00, në sallën Dokukino. Ju ftojmë që të merrni pjesë”, thuhet në njoftim.
Ndryshe, të enjten me 64 vota pro është miratuar në parim Projektligji për ndarjet buxhetore për buxhetin e Kosovës për vitin 2023. Projektbuxheti për vitin 2023 arrin vlerën 3.2 miliardë euro.
Kundër miratimit të buxhetit ka votuar vetëm deputeti i Lëvizjes Vetëvendosje Fatmir Humolli, ndërsa deputetët e partive opozitare u përmbajtën nga votimi./teve1.info
