Avokati Artan Qerkini në një prononcim për Info Nata në Tëvë1 ka thënë se propozimi për këtë protokoll është i papranueshëm për mbrojtjen, pasi sipas tij është tendencioz.
“Propozimi i këtij protokoli ishte befasi për mbrojtjen sepse mbrojtja e vlerëson si një tendencë të prokurorisë për të kontrolluar hetimet e mbrojtjes. Mbrojtja një propozim të tillë e konsideron të papranueshëm. Prokuroria është vonuar me dorëzimin e provave dhe i ka lënë shumë pak kohë në dispozicion mbrojtjes që të përgatitet për gjykim. Kështu po mundohet që hetime e mbrojtjes t’i vëj nën kontroll”, ka deklaruar Qerkini.
Ai më tej ka thënë se prokuroria po kërkon favore në mënyrë që punën e vet ta bëjë sa më të lehtë, e në dëm të të akuzuarve.
Ky propozim është bërë në kuadër të gjykimit të ish krerëve të UÇK-së, Hashim Thaçit, Kadri Veselit, Jakup Krasniqit dhe Rexhep Selimit. /Teve1.info/
