Kryetari i Sindikatës së sektorit privat në Kosovë, Jusuf Azemi, tha se protesta është thirr me kërkesë të punonjësve të Prishtinës, derisa nuk e mohomi mundësinë e protestave edhe në institucione apo komuna tjera.
“Protesta do të zhvillohet të premten në ora 08:00 para Komunës së Prishtinës. Kërkesa jonë është rritja e pagave të punëtorëve që janë nën menaxhim të Komunës së Prishtinës. Për punëtorët teknik dhe sigurimit fizik që i mirëmbajnë disa shkolla dhe qendra të mjekësisë familjare që përgjegjës është komuna”, tha Azemi.
Ky i fundit tha se Prishtina ka bërë më shumë presion për këtë protestë për rritje të pagave për çka edhe është thirr protesta, mirëpo Azemi nuk i përjashtoi edhe protestat tjera në institucione apo komuna tjera ku shërbimet e mirëmbajtjes dhe sigurimit i kryejnë punonjësit privat.
