Liria jonë i dedikohet edhe shteteve tona mike ka thënë Vjosa Osmani në Kuvend, shkruan Tëvë1.info
“Të nderuar ambasador dhe përfaqësues diplomatik. Në këtë sallë 14 vjet më parë Kosova u shpall shtet duke jetësuar kështu vullnetin e qytetarëve tonë për të jetuar në një vend sovran dhe të pavarur. Aspirata shekullore e popullit të Kosovës u materializuar me pavarësinë e Kosovës e cila hapi një kapitull të ri, jo vetëm për ne por edhe për globin, duke regjistruar në historinë njerëzore të asaj kohe shtetin më të ri në botë. Rruga deri në këtë akt nuk ishte e lehtë. U dasht shumë mund, shumë sakrifica dhe sfida për ta bërë lirinë e po aq shumë për ta bërë shtetin. Nën udhëheqjen e atit tonë themeltar, presidentit dr Ibrahim Rugova, Kosova në atë kohë i bëri të ditur botës demokratike se synimi i saj ishte pavarësia e vendit si një parakusht për paqe dhe stabilitet në rajon”, tha ajo.
Ndër të tjera Osmani në seancën e jashtëzakonshme ka thënë se çlirimi nga robëria nuk ishte drama jonë kombëtare me një akt. Prandaj për aq sa u rrit shtypja ndaj nesh po me atë ritëm nisi të transformohet rezistenca jonë paqësore në rezistencë të armatosur.
Në fund presidentja uroi për festën e Pavarësisë të gjithë qytetarët e Kosovës.
