Në një prononcim për Tëvë1, Popovci ka thënë se tërheqjen nga posti i zëvendësministrit të MASHTI-it ia ka komunikuar në tetor, ministres së këtij dikasteri, Arbërie Nagavci dhe kryeministrit Albin Kurti.
Sipas tij, arsyet janë personale.
“Është e vërtetë se kam planifikuar që deri në fund të vitit 2022 të tërhiqem nga posti i zëvendësministrit të MASHTI dhe këtë ja kam komunikuar Ministres Nagavci dhe Kryeministrit Kurti në tetor. Arsyet janë të natyrës personale”, ka deklaruar Popovci.
Po ashtu, Popovci thotë se dorëheqjen formale ende nuk e ka paraqitur, por atë do ta bëjë në kohën e duhur.
“Për korrektësi, dorëheqjen formale nuk e kam paraqitur akoma, por këtë do ta bëj në kohën e duhur, kur t’i përfundoj edhe disa punë që i kam filluar dhe në koordinim me Ministren e Kryeministrin. Edhe pasi të jem larguar nga posti i tanishëm do të mbetem aktiv në fushën e arsimit”, tha ai për Teve1.info
Para pak orësh, burime të Tëvë1 brenda MASHTI-it bën të ditur se Dukagjin Popovci dorëheqjen nga posti i zëvendësministrit të Arsimit e kishte dorëzuar rreth një muaj më parë. /Teve1.info/
