Sipas Policisë, pas lokalizimit të vendndodhjes së të dyshuarit, i njëjti në tentim për t’u arratisur kishte shtënë me armë drejtë Policisë duke rrezikuar jetën e policëve dhe qytetarëve përreth.
Teksa në njoftim thuhet se në këtë rast Policia e ka pasur të domosdoshëm ndërrmarjen e veprimeve.
“Për rrjedhojë, i dyshuari i armatosur, në përpjekje për t’iu shmangur arrestit policor në rrugën “Fehmi Lladrovci” në Fushë Kosovë, ka shtënë me armë zjarri në drejtim të policisë duke rrezikuar drejtpërsëdrejti jetën e policëve si dhe qytetarëve përreth, dhe me këtë rast ka bërë të domosdoshëm dhe të pashmangshëm ndërmarrjen e të gjitha veprimeve policore në përputhje me autorizimet tyre”, thuhet në njoftim.
Bëhet e ditur se i dyshuari në përpjekje e sipër për t’iu shmangur arrestit policor, në rrethana që aktualisht po trajtohen ka marrë plagë nga shkrepja e armës së zjarrit.
Teksa pas dërgimit të tij në QKUK për trajtim mjekësor i njëjti ka vdekur rreth orës 18:45.
“Aktualisht përkundër që ka baza të forta dyshimi për vetëplagosje, policia bashkërisht me autoritetet e tjera relevante ligj zbatuese po heton me përpikëri të gjitha rrethanat që karakterizojnë rastin.Ndërkohë që po vazhdon ndërmarrja e veprimeve hetimore e ekzaminuese, i dyshuari është dërguar në QKUK për trajtimin e nevojshëm mjekësor, nga ku rreth orës 18:45 kemi pranuar informatën se personi ka ndërruar jetë”, thuhet tutje./teve1.info./
