Perolli tregoi arsyet se pse PSD-ja ka vendosur të protestojë në ditën kur ishte paralajmëruar vizita e Trendefilovës në Kosovë.
Ai tha se arsyeja e parë është që partia e tij beson që Gjykata Speciale është gjykatë e padrejtë, ndërsa arsyeja e dytësipas tij është heshtja e Qeverisë ndaj asaj gjykate.
“Në ditën kur zonja Trendafilova tha se do të vijë në takim në Kosovë, shpallëm edhe protestën për dy arsye. E para ishte revolta që ne besojmë që qëndron ndaj Gjykatës Speciale si gjykatë e padrejtë sepse është gjykatë një etnike e cila po merret veç me luftën çlirimtare të UÇK-së dhe atë po e tjetërson në publik. Pastaj si arsye të dytë e kishim heshtjen e Qeverisë e cila siç mund ta shohim këto javët e fundit po kritikon çdo gjykatës e çdo gjykatë tjetër të Kosovës dhe kur po vjen puna te gjykata më skandaloze që e kemi te Gjykata Speciale ajo po hesht e në fakt edhe po e legjitimon edhe me takime private siç ishte takimi që dje e mbajti Kurti me të”, tha anëtari i PSD-së në emisionin “Ditari”.
Ndërkohë, kryetarja e Dhomave të Specializuara, Ekaterina Trendafilova kishte planfikuar që të mërkurën ta vizitojë Kosovën, por e kishte anuluar atë për shkak të paralajmërimve për protesta nga PSD. /teve1.info/
