Këto deklarata ai i ka bërë përmes një postimi në Facebook, teksa ka bërë të ditur se ka vizituar Gjakovën për të parë nga afër dëmet e shkaktuara në bujqësi nga reshjet që mbizotëruan në fundjavë.
“Dëmet e shkaktuara në bujqësi nga reshjet e shiut, do të kompenzohen nga Ministria e Bujqësisë, Pylltarisë dhe Zhvillimit Rural. Vizitova sot Komunën e Gjakovës së bashku me zv. Ministrin e Ministrisë së Zhvillimit Rajonal Agon Dobruna, për tu parë më nga afër me dëmet e shkaktuara në bujqësi nga reshjet që mbizotëruan këtë fundjavë në gjithë territorin e Republikës së Kosovës”, thuhet ndër tjerash në postim.
Tutje, Peci ka njoftuar se ka takuar edhe kryetarin e Gjakovës, Ardian Gjinin i cili tha se e njoftoi me të gjitha zonat e prekura nga përmbytjet e shkaktuara.
“Si Ministri, edhe këtë vit do realizojmë kompenzimin e dëmeve në bujqësi. Këto dëme do të kompenzohen pas vlerësimit të raporteve që do t’i sjellin drejtoritë komunale për bujqësi. Ne kemi të themeluar Komisionin për Dëme në Bujqësi i cili do të bëjë analizimin dhe vlerësimin e raporteve që vijnë nga Drejtoritë përkatëse. Muaji nëntor do të jetë muaji ku edhe do të fillojnë ekzekutimi i pagesave për dëmet në bujqësi për vitin 2022”, shkroi ndër tjerash ai./teve1.info/
