Përmes një njoftimi për media nga KDTP-ja kanë bërë të ditur se qëndrimi i tyre është që të mos njihet neni që lejon martesat e gjinisë së njëjtë.
“Nesër në Kuvend do të diskutohet edhe neni që lejon martesat e të gjinisë së njëjtë në Kodin Civil, i cili është ndër pikat e rendit të ditës të seancës së zakonshme parlamentare që do të zhvillohet nesër (24.02.2022). Qëndrimi i Partisë sonë lidhur me këtë nen do të jetë që ky nen të mos njihet ligjërisht me arsyetimin se është një opinion kundër vlerave të shenjta dhe fetare të shoqërisë sonë dhe nuk i përket vlerave, kulturës, traditave dhe zakoneve tona familjare”, thuhet në njoftim.
Sipas KDTP-së, deputetët e kësaj do të votojnë kundër ndryshimit të Kodit Civil.
“Si parti, me respekt i deklarojmë opinionit publik se ligji për këtë çështje nuk do të mbështetet dhe deputetët tanë do ta votojnë kundër”, është bërë e ditur në njoftimin e KDTP-së. /teve1.info/
