Sipas një komunikate të lëshuar për medie nga Policia, alkooli është gjetur në një automjet i cili drejtohej nga një mashkull kosovar.
“Kështu dje, në pjesën veriore është vërejtur një automjet me të cilin dyshohej se po kryhej kontrabandë me mall, me ç‘rast automjeti është përcjellë dhe më pas është ndaluar nga policia.
Gjatë kontrollit të tij është vërejtur se është i ngarkuar me një sasi lëngu, që dyshohet të jetë alkool medicinal”, thuhet në komunikatë.
Në vazhdën e aktiviteteve të shtuara për luftimin e kriminalitetit, me theks të veçantë kontrabandës në pjesën veriore të vendit, kanë vazhduar aktivitetet policore dhe të institucioneve tjera përgjegjëse, thuhet në komunikatë.
“Automjeti drejtohej nga një mashkull kosovar dhe i njëjti është sjellë në Stacionin Policor Mitrovicë Jugu. Rasti është trajtuar në koordinim me organet e drejtësisë dhe më pas është referuar për trajtim së bashku me mallin e konfiskuar tek Dogana e Kosovës”, thuhet në njoftim.
Policia e Kosovës në bashkëpunim edhe me Doganës e Kosovës do të vazhdojnë aktivitetet e përbashkëta me qëllim të parandalimit të krimit dhe kontrabandës së mallrave.
