Osmani ka thënë se Stoltenbergut ia kanë konfirmuar se Kosova është gati të jetë pjesë e Partneritetit për Paqe.
Sipas Osmanit, qëllimi strategjik i Kosovës mbetet anëtarësimi në komunitetin euroatlantik.
“Anëtarësimi në Bashkimin Evropian dhe në NATO do të kontribuojë në rritjen e sigurisë dhe stabilitetit në rajon. Në takim me sekretarin e Përgjithshëm të NATO-s, Jens Stoltenberg, bashkë me zv.kryeministren Donika Gërvalla Schëarz, konfirmuam se Kosova është gati të jetë pjesë e Partneritetit për Paqe dhe do të punoj ngushtë me aleatët e saj për të përshpejtuar përfshirjen e saj në këtë program të NATO-s”, ka shkruar ajo në një postim në Facebook.
Shefja e Shtetit thotë se anëtarësimi në NATO do t’i mundësojë Kosovës një rol aktiv në kuadër të sigurisë rajonale e globale.
“Forca e Sigurisë së Kosovës, po zhvillohet në përputhje me standardet e NATO-s, ndaj anëtarësimi në këtë program e pastaj edhe në NATO do t’ia mundësojë Kosovës një rol aktiv në kuadër të sigurisë rajonale dhe globale”, tha më tej Osmani.
Osmani po qëndron në New York, ku po përfaqëson Kosovën në javën e takimeve në Asamblenë e Përgjithshme të OKB-së. /teve1.info/
