Përmes një postimi në Twitter, Osmani ka bërë të ditur se Truedeau i ka ofruar mbështetjen e tij popullit të Kosovës.
“Gjithmonë mirë të takohesh me një mik të dashur të Republikës së Kosovës. Në Samitin e Frankofonisë fola me kryeministrin Justin Trudeau për zhvillimet e vazhdueshme në rajonin tonë dhe mirënjohjen e popullit tonë për mbështetjen e qartë dhe konkrete të Kanadasë”, ka shkruar Osmani.
Osmani ka udhëtuar të premten për në Djerba të Tunizisë, ku do ta përfaqësojë Kosovën në samitin e krerëve të shteteve të Organizatës Ndërkombëtare të Frankofonisë.
Kosova është anëtare e asociuar e Organizatës së Frankofonisë nga viti 2018. /Teve1.info/
