Presidentja e vendit, Vjosa Osmani sot gjatë vizitës në Mal të Zi është takuar me homologun e saj, Milo Gjukanoviq.
Osmani ka thënë se me Gjukanoviqin kanë diskutuar për rëndësinë e koordinimit të përbashkët për ta forcuar partneritetin mes Kosovës dhe Malit të Zi.
Ajo thotë se e ardhmja e Kosovës dhe Malit të Zi është në BE dhe së bashku do të punojnë për ta realizuar këtë synim.
“E ardhmja e vendeve tona është në Bashkimin Evropian dhe së bashku do të punojmë për të realizuar këtë synim të qartë. Me Presidentin Đukanović diskutuam për rëndësinë e koordinimit të përbashkët për ta forcuar partneritetin në mes të Kosovës dhe Malit të Zi, si dhe fuqizimin e përpjekjeve tona kundër tendencave anti-demokratike dhe destabilizuese në rajonin tonë”, ka shkruar Osmani në një postim në Facebook.
Sipas saj, raportet mes Kosovës dhe Malit të Zi janë të ndërtuar mbi frymën e respektit të ndërsjellët.
“Raportet në mes të vendeve tona janë të ndërtuara mbi frymën e respektit të ndërsjellët, bashkëpunimit dhe përkushtimit të dyanshëm për të ardhmen tonë të euroatlantike”, ka thënë Osmani. /Teve1.info/
