Në njoftimin për media nga Presidenca, thuhet se në këtë takim u riafirmuan marrëdhëniet e mira dhe u diskutua për hapjen e kapitujve të ri të bashkëpunimit.
“U diskutua edhe për situatën e përgjithshme në rajon e më gjerë, krizën energjetike dhe atë ushqimore”, është bërë e ditur në komunikatë.
Sipas njoftimit, Osmani theksoi se në kohë sikurse këto solidariteti dhe veprimi i përbashkët janë parakushte për tejkalimin e situatave të tilla.
“Në takim me ministrin Généus, Presidentja Osmani theksoi se Kosova është e përkushtuar fuqishëm për integrimin euroatlantik dhe se ka shënuar përparim në reformat në drejtësi dhe sundim të ligjit. Sipas saj, forcimi i pozitës ndërkombëtare të Kosovës është prioritet shtetëror”, thuhet më tej në njoftim. /teve1.info/
