Në njoftim thuhet se në takim Osmani kërkoi mbështetjen e Bangladeshit për anëtarësim në organizatat ndërkombëtare.
Teksa ka theksuar domosdoshmërinë e avancimit të marrëdhënieve ndërshtetërore.
“Në përpjekjen e Kosovës për konsolidimin e pozitës ndërkombëtare, Presidentja Osmani ka theksuar se Kosova e sheh Bangladeshin një aleat, ndaj kërkoi ndihmën e këtij shteti për njohje nga vendet fqinje të tij. Në të njëjtën kohë, Presidentja Osmani kërkoi mbështetjen e Bangladeshit për anëtarësim në organizatat ndërkombëtare”, thuhet në njoftim.
Sipas Osmanit, Kosova do të bëj përpjekje për rritjen e shkëmbimit tregtar me këtë shtet.
Bëhet e ditur se në takim u diskutua edhe për një sërë marrëveshjes, të cilat pritet të nënshkruhen ndërmjet dy shteteve, në mesin e të cilave edhe ajo për shmangien e tatimit të dyfishtë dhe parandalimin e evazionit fiskal./teve1.info/.
