Osmani njoftoi se në këtë takim kanë diskutuar për themelimin e bashkëpunimit ndërmjet dy shteteve, raporton teve1.info
Osmani theksoi se Kosova dhe Austria mbeten partnere të besueshme e të përkushtuara për t’i forcuar raportet bilaterale.
“Dy shtetet tona mbeten partnere të besueshme dhe të përkushtuara për t’i forcuar raportet bilaterale, të udhëhequra nga vizioni ynë i përbashkët për një Evropë më paqësore, më demokratike dhe më të sigurt”, ka shkruar ajo.
Tutje Presidnetja Osmani u shprehë se Kosova i është mirënjohëse Austrisë për mbështetje të vazhdueshme në rrugëtimin euroatlantik, përfshirë anëtarësimin në KE dhe në organizata tjera ndërkombëtare.
“Kosova i është mirënjohëse Austrisë për mbështetjen e vazhdueshme në rrugëtimin tonë euroatlantik, përfshirë anëtarësimin në Këshillin e Evropës, si dhe në organizata të tjera ndërkombëtare”, ka shkruar Osmani.
Ndërkaq, sa i përket dialogut me Serbinë, Presidentja Osmani tha se ky proces duhet ta ketë në qendër njohjen reciproke dhe ta ruajë pacenueshmërinë e sovranitetit dhe të rendit kushtetues të Kosovës.
Kryetari i Parlamentit Austriak, Wolfgang Sobotka, e falënderoi Presidenten Osmani për vizitën dhe theksoi se Austria është e përkushtuar për t’i thelluar më tej raportet mes dy popujve dhe vendeve tona, si dhe theksoi gatishmërinë e Austrisë për bashkëpunim të mëtejmë.
